वर्षादका कारण १५ घर विस्थापित,एक घर,गोठ,पशु चौपाय बगायो

Breaking News समाचार

पाँचथर,असार ११,
गएराती परेको वर्षादका कारण पाँचथरको याङवरक गाउँपालिका वडा नम्बर २ चिङमामा एक घर बगाएको छ भने त्यस आसपास वस्तीका १५ घर विस्थापित भएका छन् ।
प्रमुख जिल्ला अधिकारी मुरारी वस्तीका अनुसार स्थानिय पहलमान राईको एक घर बगाएको छ ,यस्तै वडा नम्बर २ को मुक्लाबुङ, धिमाले, बेतेनी गाउँमा पहिरोका कारण १५ घरमा क्षती पुगेको छ । यस्तै स्थानिएको गोठहरु र पशुचौपाय बगाएको छ ।
अहिले पहिरोको जोखीमका कारण विस्थापित भएकाहरुलाई सुरक्षित स्थान तर्फ सार्ने काम भइरहेको प्रमुख जिल्ला अधिकारी वस्तीले बताउनुभयो । त्यहाँ रहेका विद्यालय,अन्य सार्वजनिक स्थानहरुमा बसाई सार्ने काम भइरहेको उहाँले बताउनुभाये ।
अहिले घटनास्थलतर्फ जिल्ला प्रहरी कार्यालय पाँचथरका प्रहरी निरीक्षक अनिल पौड्यालको नेतृत्वको टोली,थर्पु बाट शसस्त्र प्रहरी,पालिका,वडाका जनप्रतिनिधी,तथा स्थानियहरु उद्धारका लागि खटिरहेका छन् ।

Leave a Reply

Your email address will not be published. Required fields are marked *